Mətanət İsgəndərli: [b]“Şəxsi həyatları ilə özlərini reklam edirlər”[/b]

“Əminliklə söyləyə bilərəm ki, şou-biznesdə bir çoxları şəxsi həyatlarını bilərəkdən reklam edirlər”. Lent.az-ın məlumatına görə, bu sözləri əməkdar artist Mətanət İsgəndərli deyib. O bildirib ki, şou aləmində bir çox həmkarları şəxsi həyatları ilə özlərini reklam edir: “Şəxsi həyatı ilə gündəmə gələnləri anlaya bilmirəm. Bir insan necə öz ailə məsələsi ilə reklam oluna bilər?! Mən iyirmi beş ildir ki, bu sənətdə saç ağartmışam. Amma bu reklam üsuluna əl atmamışam. Şəxsi həyatımı sənət yolumda özümə reklam üsulu kimi seçməmişəm. Yalnız mahnılarımla sözümü deməyi, tanınmağı üstün tutmuşam. Düşünürəm ki, ailə mövzuları ilə gündəmə gələnlər təkcə özlərini düşünürlər. Fikirləşmirlər ki, onlara görə narahat olan yaxınları var. Bu gün Azərbaycanda ucuz reklam olunan çox sənətçi var. Onları hər kəs tanıyır”.