"Hamilə" kişi mədəsində əkiz qardaşı ilə YAŞAYIB

Hindistanın Naqpur şəhərində bir kişidə qeyri-adi patologiya aşkarlanıb.

Lent.az-ın xarici mediaya istinadla xəbərinə görə, uşaqlıqdan oğlanın böyük bir qarnı olub, yaşlandıqca böyük ölçülərə çatıb. Qonşular ona hətta bədbəxt “hamilə kişi” ləqəbini də qoyublar. O, ailəsini dolandırmaq üçün fermada çox çalışdığı üçün həkimlərə getməyə nə vaxtı, nə də imkanı olub. Yalnız şiş onun nəfəs almasına mane olmağa başlayanda mütəxəssislərə müraciət edib.

Mumbaydakı klinikanın həkimləri 36 yaşlı xəstənin mədəsində şiş olduğunu irəli sürüblər. Lakin əməliyyat zamanı məlum olub ki, Sanju Bhaqatda “embriondakı embrion” adlı anomaliya var: daxildə onun əkiz qardaşı parazit kimi inkişaf edib. Belə bir patologiyanın 500 000 nəfərdə birində baş verdiyi qeyd olunub.

Əməliyyatdan sonra kişi tez sağalıb və fermada işə qayıda bilib.