Həkimlər məşhur tablodakı Mona Lizanın üz cizgilərində əks olunan nadir irsi xəstəliyi müəyyən etdiklərini bildiriblər.
Lent.az xarici mediaya istinadla xəbər verir ki, portretdə təsvir olunan qadının xarici görünüşündə müəyyən xüsusiyyətlərin müşahidə edildiyi və bunların bəzi xəstəlik əlamətləri ilə əlaqələndirildiyi qeyd olunur.
Tibb mütəxəssislərinin ehtimallarına görə, Mona Lizada uzun müddət tanınmamış nadir xəstəlikdən əziyyət çəkən qadın təsvir olunmuş ola bilər. Söhbət xolesterin mübadiləsinin genetik pozuntusundan gedir.
Araşdırmaçılar hesab edirlər ki, Leonardo da Vinçi öz dövründə tibbin hələ tanımadığı və yalnız əsrlər sonra təsvir olunan bir xəstəliyi fərqinə varmadan rəsmə köçürmüş ola bilər.
Bəzi tədqiqatçılara görə, digər adı ilə La Gioconda olan bu portretdə təsvir edilən qadın – Lisa Gherardini – irsi xolesterin mübadiləsi pozuntusunun əlamətlərini göstərmiş ola bilər. Ehtimallara əsasən, onun 37 yaşında vəfat etməsi də bu xəstəliklə əlaqəli ola bilər.
Tədqiqatçılar tabloda bəzi vizual detallara diqqət çəkirlər. Bunlara sol göz qapağının daxili hissəsində sarımtıl ləkə və sağ əlin üst hissəsində yüngül şişkinlik daxildir. Bu əlamətlər Ailəvi hiperkolesterinemiya ilə əlaqələndirilir.
Bu vəziyyət genetik qüsur nəticəsində yaranır və aşağı sıxlıqlı lipoproteinlərin, yəni “pis” xolesterinin orqanizmdən xaric olunmasını çətinləşdirir. Nəticədə xolesterin səviyyəsi yüksəlir və ürək-damar problemləri riski artır. Bununla belə, mütəxəssislər vurğulayırlar ki, bu nəticələr yalnız ehtimala əsaslanır və tarixi portret əsasında qəti tibbi diaqnoz qoymaq mümkün deyil.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
