Bakıda Güneyli soydaşlarımıza dəstək konserti - FOTO

Konsert əməkdar artist Tünzalə Ağayevanın solo çıxışından ibarət olub. Lent.az-ın məlumatına görə, tədbirdə çıxış edən millət vəkili Qənirə Paşayeva bildirib ki, tədbirin keçirilməsində məqsəd güneydəki soydaşlarımıza indiki çətin anda yardım etməkdir: “Biz onlarla bir yerdə olmalıyıq. Birliyimizi, gücümüzü göstərməliyik. Kimin imkanı nəyə çatırsa, əlindən gələni əsirgəməməlidir”.

Əməkdar artist Tünzalə Ağayeva Nəsimi, Füzuli, Yunus Əmrənin sözlərinə yazılmış təsəvvüf mahnılarını səsləndirilib.

Tədbirdə Qənirə Paşayevanın sözlərinə bəstələnən mahnılardan ibarət diskləri və "Onun sevgi məktubları" kitabı xeyriyyə məqsədi ilə satışa çıxarılıb. Bundan başqa, Güney Azərbaycanda zəlzələdən əziyyət çəkən insanlarımıza dəstək məqsədi ilə Qızıl Aypara Cəmiyyəti tərəfindən açılmış bank hesabı yazılmış kağızlar təqdim edilib.

Konsertə tanınmış siyasətçilər, incəsənət xadimləri, KİV rəhbərləri, diplomatik korpusun nümayəndələri və jurnalistlər də qatılıblar.