Pantomim teatrı Beynəlxalq Teatr festivalına yollanır

Azərbaycan Dövlət Pantomim Teatrı 4-6 oktyabrda Gürcüstana Beynəlxalq Teatr Festivalına yollanır. Bu barədə Lent.az-a teatrın direktoru Elman Rəfiyev məlumat verib: “Ötən il biz Gürcüstanda çıxış etmişdik və “Maska” tamaşasını nümayiş etdirmişdik. Bu il festivalda bizə təkrar “Maska” tamaşasını sifariş ediblər”.

E. Rəfiyev yeni mövsümdə 14-15 noyabr tarixlərində “Deja vyu” tamaşası ilə açılış edəcəklərini də açıqlayıb: “Ötən il bu tamaşanı hazırıq məşqi kimi bir dəfə oynamışdıq, bu il yeni mövsümdə rəsmi premyera olacaq. Bundan başqa, ötənilki repertuar bu il yenidən oynanılacaq, lakin bu dəfə obrazları teatra yeni gələn aktyorlar canlandıracaq. Tamaşanın əsas mövzusu kişi və qadındır, müəllifləri - Səbinə Hacıyeva və Bəhruz Əhmədlidir. Bu tamaşanın müəllifləri nəinki səhnə əsərini yazıblar, onlar həm tamaşaya quruluş verir, həm də rolları ifa edəcəklər”.

Qeyd edək ki, iki nəfərlik tamaşanın musiqi tərtibatçısı isə E.Rəfiyevdir.

Lalə Yusifqızı