"Arif Babayev həyatda olanda biz qol-qanadlı idik" - Yalçın Adıgözəlov

“Kədərli gündür. Azərbaycan muğam məktəbinin, Qarabağ muğam məktəbinin sonuncu nümayəndəsi idi Arif Babayev”.

Lent.az xəbər verir ki, bunu jurnalistlərə açıqlamasında Bakı Musiqi Akademiyasının dirijorluq kafedrasının professoru, Xalq artisti Yalçın Adıgözəlov deyib.

“Arif Babayev həyatda olanda biz qol-qanadlı idik. Çünki o, meyar idi. Arif Babayevin ənənəsi davam edəcək. O, çox şərəfli həyat yaşayıb. Ruhu şad olsun”, - Xalq artisti qeyd edib.