Nanə çayı ənənəvi olaraq faydalı içki hesab olunur: sinir sistemini sakitləşdirir, həzmi yaxşılaşdırır və yuxunu asanlaşdırır. Amma həkimlər xəbərdarlıq edirlər: faydalarına baxmayaraq, bu içki hər kəs üçün uyğun deyil.
Lent.az hansı insan qruplarının nanə çayı içməməsi lazım olduğunu izah edir:
Nanə haqqında nə bilirik?
Nanə dodaqçiçəklilər fəsiləsinə aid bitkilər cinsidir və təsnifata görə 24-ə qədər növü var. Çay hazırlanmasında ən çox istifadə olunan üç növ: uzunyarpaq nanə (Mentha longifolia), istiot nanə (Mentha piperita) və sünbül nanə (Mentha spicata).
Nanəni həm qurudulmuş, həm də təzə halda çay üçün istifadə etmək olar. Sadəcə yarpaqları və ya bütöv otunu qaynar su ilə dəmləyib 6-10 dəqiqə gözləmək kifayətdir. Nanənin tərkibində istiot nanəsinin yağı, mentol, askorbin turşusu (C vitamini), karotin, rutin, apigenin, betain, oleonol və ursol turşuları var.
Kimlərə nanə çayı içmək olmaz?
Aşağı qan təzyiqi olan insanlar
Nanə damarları genişləndirdiyinə görə qan təzyiqini aşağı salır. Hipotoniklər üçün bu ciddi problem ola bilər zəiflik, başgicəllənmə və hətta huş itirmə riski yaranır. ABŞ Milli Səhiyyə İnstitutunun icmalında mentolun damar sisteminə təsiri xüsusi vurğulanır.
Qastroezofageal reflüks xəstəliyi (GERB) olanlar
Araşdırmalar göstərir ki, nanə qida borusunun aşağı sfinkterini zəiflədə bilər. Bu səbəbdən mədənin turşu məzmunu qida borusuna daha asan keçir. Reflüks xəstəliyi olanlarda bu, turşu yanması (izjoga) və simptomların pisləşməsinə gətirir. Bu təsir “Journal of Clinical Gastroenterology” jurnalında dərc edilmiş işlə də təsdiqlənib.
Hamilə qadınlar
Nanə tez-tez ürəkbulanmanı azaltmaq üçün istifadə olunur, amma həddindən artıq qəbul edildikdə uşaqlığın yığılmalarını stimullaşdıra bilər və ağırlaşma riskini artıra bilər. Buna görə də həkimlər hamilələrə nanə çayını çox içməməyi və yalnız həkimlə məsləhətləşdikdən sonra qəbul etməyi tövsiyə edirlər. Bu barədə Avropa Dərman Vasitələri Agentliyinin (EMA) hamiləlik dövründə bitkilərin istifadəsi ilə bağlı icmalı məlumat verir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
