Saçın daha sürətli uzanması üçün nə etmək lazımdır?

Mütəxəssislər saçın daha sürətli uzanmasının yollarını açıqlayıb.

Lent.az xarici mətbuata istinadən xəbər verir ki, saçı yuyarkən bəzi nüanslara diqqət etmək lazımdır.

Saçınıza peeling edin

Peeling yalnız ölü hüceyrələri çıxarmaqda kömək etmir, həm də baş dərisində qan dövranını stimullaşdırır. Bunun sayəsində saç kökləri daha çox qidalanır. Həftədə 1-2 dəfə peelingdən istifadə edin. Vaxt keçdikcə saçlarınızın daha az çirkləndiyini və həcmini daha yaxşı saxladığını görəcəksiniz.

Saçınıza maska qoyun

Qlikolik turşu, sink, vitamin B6 və bitki ekstraktlarına əsaslanan maska kəpəyin yaranmasının qarşısını alır, qaşıntıları aradan qaldırır, qıcıqlanmanı sakitləşdirir, dərinin aktiv təmizlənməsinə kömək edir.

Düzgün şampun seçin

Şampunu saçınızın vəziyyətinə deyil, baş dərinizin növünə görə seçməlisiniz. Yanlış məhsul qıcıqlanma, qabıqlanma və hətta kəpəyə səbəb ola bilər. Bu baş dərisi vəziyyəti sağlam saç böyüməsinə mane olur, bu da saç tökülməsinə və qırılmasına səbəb ola bilər.