Ermənilər Azərbaycanın işğal altındakı ərazilərində hərbi təlim keçirlər

Ermənistan Silahlı Qüvvələrinin bölmələri işğal etdikləri Azərbaycan ərazilərində hərbi təlimlərə başlayıb.

APA-nın Qarabağ bürosunun məlumatına görə, Ermənistan ordusu birləşmələri Ağdamın Uzundərə ərazisində ağır artilleriya, zirehli texnika və şəxsi heyətin iştirakı ilə manevrlər həyata keçirib. Təlim bu dəqiqələrdə davam edir. Azərbaycan və Ermənistan qoşunlarının təmas xəttinə yaxın kəndlərində atəş səsləri aşkar şəkildə eşidilir.