MDB və ATƏT-in müşahidəçiləri Xaçmazda səsverməni izləyir

51 saylı Qusar Seçki Dairəsində qeydiyyatdan keçən yerli müşahidəçilərin sayı 412-dir. DSK sədri Cəlil İbrahimov APA-ya bildirib ki, dairədə olan 61 seçki məntəqəsi ilə əlaqə saxlanılıb, bütün məntəqələrdə hər şey qaydasındadır.

52 saylı Quba-Qusar Seçki Dairəsində 544 yerli müşahidəçi qeydiyyatdan keçib. DSK sədri Mübariz Abbasov APA-ya seçki prosesində bu saata kimi hər hansı qanun pozuntusunun olmadığını bildirib.

53 saylı Quba Seçki Dairəsində seçkinin gedişini 460 yerli müşahidəçi izləyir. DSK sədri Rahim Qarayev səsverməyə saat 8-də start verildiyini, prosesin hazırda normal davam etdiyini bildirib.

54 saylı Şabran-Sizəyən Seçki Dairəsində 397 yerli müşahidəçi qeydiyyatdan keçib. DSK-nın sədri Əmircan Ocaqov seçkinin qanunvericiliyin tələblərinə uyğun davam etdiyini deyib.

55 saylı Xaçmaz şəhər Seçki Dairəsində seçkiləri 407 müşahidəçi izləyir. DSK sədri Bəhram Ömərov APA-ya bildirib ki, MDB və ATƏT-in müşahidəçiləri DSK-nın ərazisində bir neçə məntəqədə səsvermənin gedişini izləyir.

56 saylı Xaçmaz kənd Seçki Dairəsi üzrə qeydiyyatdan keçən müşahidəçilərin sayı isə 405 nəfərdir. DSK sədri Zöhrab Səfərov APA-ya bildirib ki, DSK-nın ərazisində səsvermənin gedişində hər hansı qayda pozuntusu qeydə alınmayıb.