DİN-də almaniyalı qonaqlarla görüş olub

Nazirliyin mətbuat xidmətindən Lent.az-a verilən məlumata görə, qonağı Azərbaycan Respublikasının daxili işlər naziri, general-polkovnik Ramil Usubovun adından salamlayan nazir müavini ona DİN-in əsas fəliyyət istiqamətləri və funksiyaları, eləcə də kriminogen durum barədə ətraflı məlumat verib.

Polis general-leytenantı V.Eyvazov vurğulayıb ki, dünyanın inkişaf etmiş dövlətlərindən biri sayılan Almaniyanın zəngin təcrübəsi olan Federal Kriminal Polis İdarəsinin narkotiklərin qanunsuz dövriyyəsi ilə mübarizə, polis orqanlarının fəaliyyətində yüksək texnologiyaların tətbiqi, müasir texnoloji vasitələrin istifadəsi ilə törədilən cinayətlərin qarşısının alınması üsulları, hadisə yerinin müayinəsi və kriminalistik tədqiqat, DNT araşdırmaları və digər sahələr üzrə əməkdaşlığı Azərbaycan tərəfi üçün çox faydalıdır.

Yorq Sirke səmimi qəbula və ətraflı məlumatla görə minnətdarlığını bildirmiş, Azərbaycan Respublikasının Daxili İşlər Nazirliyi ilə Almaniya Federal Kriminal Polis İdarəsi arasındakı əlaqələrin daha da inkişaf etdirilməsi istiqamətində səylərini əsirgəməyəcəyini diqqətə çatdırıb.