Prezidentliyə namizədlə bağlı QALMAQAL: fahişəliklə bağlı araşdırmanın mərkəzində

Polşa prezidentliyinə namizəd gəncliyini xatırladıblar, lakin siyasətçinin özü bu məsələdə fərqli fikirdədir.

Lent.az xarici KİV-ə istinadla bildirir ki, “Onet” qəzeti Polşa prezidentliyinə namizəd və Milli xatirə institutunun keçmiş rəhbəri Karol Navrotskinin keçmişdə Sopotdakı “Grand Hotel”də mühafizəçi işləyərkən otelin qonaqları üçün seks işçiləri xidmətlərini təşkil etdiyini iddia edən jurnalist araşdırması dərc edib.

Baş nazir Donald Tusk iki dəfə Navrotskini sutenyorluqla əlaqədə olmaqda ittiham edib. İlk dəfə - mayın 8-də platforma X-də “Qanun və Ədalət partiyası”nın lideri Yaroslav Kaçinskiyə müraciət etdiyi mesajda:

"Hər şeyi bilirdin, Yaroslav. Qanqsterlərlə əlaqə (Navrotskinin - red.), "qızlarla tanışlıq", İkinci dünya müharibəsi Muzeyindəki sevgi mənzili, mənzillə fırıldaqçılıq və hələ də gizli qalan digər məsələlər haqqında. Bu fəlakətə görə bütün məsuliyyət sənin üzərinə düşür!”

Tusk mayın 20-də Seymdə ikinci dəfə çıxış edib və burada deyib:

"Pərəstişkarlarınız arasında qapıda, kazinoda, müşayiət agentliyində mühafizəçi olan birini prezident kimi görmək istəməyən insanlar ola bilər".

“Onet” xəbər verir ki, araşdırma zamanı jurnalistlər onlarla şahiddən: “Grand Hotel”in keçmiş əməkdaşlarından, Sopotdan olan polis əməkdaşlarından və kriminal aləmə bağlı şəxslərdən dindiriblər. Onların sözlərinə görə, mehmanxana işçiləri arasında mühafizəçilərin, o cümlədən Navrotskinin seks işçilərinin xidmətlərinin əlaqələndirilməsinə cəlb olunması ilə bağlı şayiələr fəal şəkildə yayılıb. Bəziləri iddia edirdi ki, oğraşlarla əməkdaşlıq mehmanxanada mühafizəçi işləmək üçün açıqlanmayan şərt sayılır.

Araşdırma müəllifləri oteldə xidmət etdiyi müddətdə Navrotski ilə birbaşa işləyən iki şahid tapmağa nail olublar. Onlardan biri namizədin universitet dostu olub, onunla Qdansk Universitetinin tarix fakültəsində oxumuş və Navrockinin dəvəti ilə oteldə mühafizəçi kimi işə düzəlib.

"Otelə fahişələrin gəldiyini gördüm - fərq etməmək mümkün deyildi. Onların mühafizə ilə bir növ razılığı olduğunu güman etdim, amma bu məni maraqlandırmırdı. Bir gün axşam növbəsi zamanı Karol məndən əlavə pul qazanmaq istəyib-istəmədiyimi soruşdu, çünki o və bir qrup mühafizəçi otelin qonaqlarını fahişələrlə təmin etməklə pul qazanırdılar. Mənim rolum o idi ki, əgər bir oğlan soruşsa, mən qızlarla harada görüşməli olduğumu deyim... Əsəbləşdiyimi deməyəcəyəm - ikiüzlü deyiləm, sonradan Karol mənə öyündü ki, bu şəbəkənin yaradıcısı odur”.

“İkinci şahid iddia edir ki, o, Navrotskinin otelə seks işçisi və onun müşayiətçisi ilə daxil olduğunu şəxsən görüb.

Nəşrə cavab olaraq, Nawrotski X sosial şəbəkəsində vəziyyəti şərh edərək, müasir Polşanın əsl probleminin "Polşanı xarici pullara vermək istəyən siyasi fahişəlik" olduğunu söyləyib. O, məqaləni dərc etdiyinə görə “Onet”i məhkəməyə verəcəyini də bildirib.