[b]Prezident BMT-də müzakirələrin açılışına qatıldı [/b]

Bu gün Nyu-Yorkda, BMT-nin baş qərargahında ümumi müzakirələrin açılışı olub.

APA-nın xəbərinə görə, Azərbaycan prezidenti İlham Əliyev, birinci xanım Mehriban Əliyeva və Leyla Əliyeva tədbirdə iştirak ediblər.

Ümumi müzakirələrin açılışında çıxış edən BMT-nin Baş katibi Antonio Quttereş hazırda dünyada bir çox problemlərin olduğunu vurğulayıb, ölkələr arasında etibar və etimadın aşağı düşdüyünü bildirib. Qaçqınların sayının artması, miqrasiyanın çağırışları, insan alveri, iqlim dəyişikliyi və digər mövcud qlobal problemlərə toxunan BMT-nin Baş katibi, yalnız birlikdə sülhə nail olmaq və qarşılıqlı etimadın bərpa edilməsinin mümkünlüyünə əmin olduğunu bildirib.