İlham Əliyev Meksika prezidentinə başsağlığı verdi

Prezident İlham Əliyev meksikalı həmkarı Enrike Penya Nyetoya başsağlığı verib.

Lent.az AzərTAc-a istinadən xəbər verir ki, dövlət başçısı Meksikadakı baş vermiş dəhşətli zəlzələnin doğurduğu çoxsaylı insan tələfatı və dağıntılar barədə xəbəri kədər hissi ilə qarşıladığını bildirib: “Bu faciə ilə əlaqədar Sizə, həlak olanların ailələrinə və yaxınlarına, bütün Meksika xalqına öz adımdan və Azərbaycan xalqı adından dərin hüznlə başsağlığı verir, yaralananların və xəsarət alanların tezliklə sağalmasını arzulayıram”.