TQDK orta məktəb şagirdlərinə müraciət etdi

Qurumun mətbuat xidmətindən Lent.az-a verilən məlumata görə, son günlər bəzi kütləvi informasiya vasitələri tərəfindən buraxılış imtahanı keçiriləcək fənlərin sayının artırılacağı ilə bağlı yanlış məlumatlar yayılıb.

Belə ki, Azərbaycan Respublikası Nazirlər Kabinetinin qərarı ilə təsdiq edilmiş “Azərbaycan Respublikasının ümumtəhsil sistemində qiymətləndirmə Konsepsiyası”nın 2.3-cü bəndində edilmiş dəyişiklikləri bəzi informasiya agentlikləri düzgün şərh etməyiblər. Odur ki, bu məlumatların heç bir əsası yoxdur.