“Leyla Şıxlinskayanın Klinikası”nın baş həkimi istefa verdi

Toğrul Adıgözəlov qərarının səbəbləri barədə açıqlama verməyib
Bakının məşhur klinikalarından olan “Leyla Şıxlinskayanın Klinikası”nın baş həkimi Toğrul Adıgözəlov tutduğu vəzifədən istefa verib. Bu barədə Trend Life-a yaxın mənbələr məlumat veriblər.
Tibb elmləri nazmizədi Adıgözəlov klinikaya 1999-cu ildən rəhbərlik edir. 1999-cu ildə ölkənin ilk özəl tibb müəssisəsi olan klinikanın açılışında prezident Heydər Əliyev də iştirak etmişdi.
2005-ci ildə keçmiş səhiyyə naziri Əli İnsanov klinikanı lisenziyadan məhrum etmək istəsə də, Adıgözəlov məhkəmədə klinikanın maraqlarını qoruya bildi.
Doktor Adıgözəlovun özü son qərarı barədə açıqlama verməkdən imtina edib.