Səhiyyə Nazirliyi uşaq qidalarının monitorinqinə başlayıb

Səhiyyə Nazirliyi paytaxtda və bölgələrdə satılan uşaq qidalarının keyfiyyəti və təhlükəsizlik göstəriciləri ilə bağlı növbəti monitorinqlərə başlayıb. Respublika Gigiyena və Epidemiologiya Mərkəzinin qidalanma gigiyenası bölməsinin müdiri İmran Abdullayevin Lent.az-a verdiyi məlumata görə, monitorinqlər öncə Bakıda və Sumqayıtda keçirilib: “Rayonlarımızda mağazalarda satılan uşaq qidalarının yerli istehsal olmadığını bilirik. Buna görə də xüsusilə həmin qidaların təhlükəsizlik göstəricilərinin monitorinqinə diqqət ediləcək”.

İ.Abdullayevin sözlərinə görə, ilkin nəticələri avqustun 25-də açıqlanacaq.

Respublika Gigiyena və Epidemiologiya Mərkəzinin bütün məhsullar üzrə bu cür monitorinqləri ildə 2 dəfə aparılır.

Nailə