Bakıya qar yağacaq? - Umayra Tağıyevadan CAVAB

"Bakı şəhərində qarlı, şaxtalı günlərin sayında azalma müşahidə olunur".

Lent.az məlumat verir ki, bu sözləri Milli Hidrometrologiya Xidmətinin rəisi Umayra Tağıyeva deyib. Onun sözlərinə görə, ən sərt qış 1972-ci ildə olub:

"2002-ci ildə dekabr ayı çox soyuq keçmişdi. Həmin vaxt 18 dəfə artik hava kütlələri daxil olmaqla Abşeron yarımadasında şaxtalı günlərin sayını artırmışdı. 2012-ci ilin fevral ayında Xəzər dənizinin Nabrandan Sumqayıta qədər donması müşahidə olunurdu".

U.Tağıyeva qeyd edib ki, yaxın günlərdə Bakıya qar yağması müşahidə olunmayacaq:

"Lakin uzun müddətli proqnoz vermək mümkün deyil. 2-3 günlük proqnozlar daha etibarlıdır. 2012-ci ilin fevral ayında müşahidə olunan qarlı, şaxtalı hava yenidən olmayacaq".