İqlim dəyişikliyi  intihar sayını artıra bilər
08 may 2022 19:31 (UTC +04:00)

İqlim dəyişikliyi intihar sayını artıra bilər

Britaniya alimləri planetdə inkişaf edən iqlim böhranının qeyri-adi yan təsirini açıqlayıblar.

Lent.az xarici mediaya istinadla bildirir ki, qlobal istiləşmə və planetdə rütubətin artması ilə əlaqədar Sasseks Universitetinin elmi işçiləri həyatla hesablaşmaq cəhdlərinin sayının artacağını proqnozlaşdırırlar.

İqlim dəyişikliyi insanların özlərini daha çox öldürməsinin səbəbkarı ola bilər.

Son dörd onillik ərzində Yer üzündə rütubətin səviyyəsinin dəyişməsi və intiharların sayının artması arasında qarşılıqlı əlaqə araşdırılıb.

Britaniyalı alimlərin fikrincə, bu dəyişikliklərə ən həssas olan qadınlar və uşaqlardır.

Hesab edilir ki, rütubətin tez-tez və intensiv dövrləri insanın psixi sağlamlığının vəziyyətinə mənfi təsir edir.

Buna görə də qlobal iqlim dəyişikliyi fonunda intiharların sayının bir qədər artması müşahidə edilir.

Anormallıqlar yuxu pozğunluğu səbəbindən baş verir, bunun fonunda narahatlıq və həyəcan hissləri artır.

Qeyd edilir ki,  uşaqların və qadınların orqanizmi belə dəyişikliklərə daha kəskin reaksiya verir.

İlk növbədə, isti və rütubətli iqlim ölkələrində yaşayan şəxslərin problemlərinə diqqət yetirmək lazımdır.
 

# 2130
avatar

Oxşar yazılar