Premyer Liqada mövsümü "Liverpul"un bombardiri kimi başa vuran misirli futbolçu Məhəmməd Salah tətili üçün Bodrumu seçib. Onun aldığı villanın dəyəri heyrətamizdir.
Başda Rusiya, Azərbaycan, Birləşmiş Ərəb Əmirlikləri və İngiltərə olmaqla dünya şöhrətli futbolçular, sənətçilər və iş adamları Bodrum otellərində və qayıqlarda qalmağa başlayıblar.
Lent.az-ın xarici mediaya istinadla xəbərinə görə, ötən mövsümdə karyerasının ən yaxşı oyunlarından birini nümayiş etdirən və Premyer Liqa çempionu "Liverpul"la müqaviləsini yeniləyən 33 yaşlı misirli ulduz futbolçu Məhəmməd Salah ötən həftə dostları ilə Bodrumda tətildə olub.
Xəbərə görə, Məhəmməd Salah 10 milyon dollarlıq sərmayə ilə Gündoğanın Küçükbük bölgəsində şəxsi villa alıb. Dəniz mənzərəsi, şəxsi çimərliyi və günəş terrası olan villanın dəbdəbəli imkanları var. Buraya türk hamamı, sauna, spa, fitnes mərkəzi, kinoteatr, kitabxana və köməkçilər üçün yaşayış daxildir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
