Türkiyəli məşhur psixiatr Gülseren Budaycıoğlu təcili əməliyyat olunub.
Lent.az xarici mətbuata istinadən xəbər verir ki, Gülseren Budaycıoğlu sosial şəbəkədəki səhifəsində qəfil xəstələndiyini və ötən həftə xəstəxanaya aparıldığını açıqlayıb.
“Əziz dostlar, ötən həftə qəfil sinə ağrısı ilə xəstəxanaya getdim. Angioqrafiyada ürəyimdəki damarlarımdan birinin tıxanmaq üzrə olduğu aşkarlandı və dərhal stent qoydular. Axşam özümü çox yaxşı hiss edirdim. Yaxşı ki, infarkt keçirməmişəm. Həyat mənə daha bir şans verdi. Sevdiklərimin duaları ilə sağ qala bildim”.