Allahverdi Bağırov anıldı

Azərbaycanın Milli Qəhrəmanı Allahverdi Bağırovun doğum günü Ağdamda, şəhidlərin xatirəsinə ucaldlmış abidənin önündə qeyd edilib. Lent. az-ın verdiyi məlumata görə, anım mərasiminə onun doğmaları, yaxınları qatılıb. Mərasimdə onun göstərdiyi xidmətlərdən söhbət açılıb, şeirlər səsləndirilib.

Bacısı Svetlana Bağırova qardaşıyla həmişə qürur duyduğunu deyib:

“ O, dünyaya qəhrəman kimi gəldi, qəhrəman kimi də həlak oldu. Əvvəllər onun haqqında tez-tez danışardılar. Sənədli filmlər göstərilərdi. Onun xidmətlərindən söhbət açılardı. Ancaq son illər elə bil kimlərsə onun adının çəkilməsinə mane olur... Azadlığımız uğrunda iki qardaş itirmişəm”.

Sonda Svetlana Bağırova Rayon İcra Hakimiyyətinin başçısı Nizami Sadıqovdan Allahverdi Bağırovun adına məktəb və ya küçə verilməsini xahiş edib. Nizami Sadıqov bu barədə lazımi kömək göstəriləcəyinə söz verib.