Azərbaycanda nə qədər adamda talassemiya tapılıb? - RƏSMİ STATİSTİKA

“Avqust ayı ərzində ümumilikdə 17 min 526 nəfər nikaha daxil olmaq istəyənlərin icbari tibbi müayinəsi həyata keçirilib”.

Bunu B .Eyvazov adına Elmi-Tədqiqat Hematologiya və Transfiziologiya İnstitutunun direktoru Zöhrə Əlimirzəyeva Lent.az-a açıqlamasında deyib.

Z.Əlimirzəyeva bildirib ki, ötən ay ərzində Azərbaycanda nikaha daxil olmaq istəyən 672 nəfərdə talassemiya daşıyıcısı aşkarlanıb. Cəmi 9 cütlüyün hər ikisində bu qan xəstəliyi aşkar edilib.

Qurum rəsmisi əlavə edib ki, ötən ay 17 nəfərdə QİÇS, 92 nəfərdə isə sifilis xəstəliyi aşkarlanıb. Bu barədə müvafiq mərkəzlərə həmin cütlüklərlə bağlı geniş məlumat verilib.

Z.Əlimirzəyeva əlavə edib ki, 2015-ci ilin iyun ayından cari ilin sentyabr ayına kimə olan rəqəmlərə görə, ümumilikdə 186 min 564 nəfər tibbi müayinədən keçib. Onlardan 8 min 711 nəfərdə talassemiya daşıyıcısı aşkarlanıb. Cəmi 70 cütlüyün hər iksində bu qan xəstəliyi aşkar edilib.

Bu günə qədər 695 nəfərdə siflis, 125 nəfərdə isə QİÇS aşkarlanıb.