Boş yerlərə qəbul bu gün başa çatır

Günün sonunda 2013-2014-cü tədris ili üçün ali məktəblərin vakant yerlərinə və orta ixtisas təhsili müəssisələrinə tələbə qəbulunun nəticələri açıqlanacaq. Lent.az-ın məlumatına görə, bunu Tələbə Qəbulu üzrə Dövlət Komissiyasının (TQDK) sədri Məleykə Abbaszadə keçirdiyi mətbuat konfransında deyib. TQDK sədri qeyd edib ki, ali məktəblərin vakant yerlərinə və orta ixtisas seçimi bu gün saat 11.00-da başa çatır: "Son məlumatlara əsasən, 10 495 abituriyent ali məktəblərin vakant yerlərinə və orta ixtisas təhsili müəssisələrinə ixtisas seçimi edib. Biz isə müsabiqədə 21 400 nəfərin iştirak edəcəyini gözləyirdik".