Gələcəyin həkimini xilas edək

Azərbaycan Tibb Universitetinin 5-ci kurs tələbəsi Xasməmmədov Teyfur Teymur oğlu 1 ildir ki, kəskin limfoblast leykoz xəstəsidir. Bu müddətdə Elmi Tədqiqat Hematologiya İnstitutunda müalicə alsa da, sağalma əldə edilmir. Teyfurun tezliklə sümük iliyi transplantasiyası əməliyyatı keçirməsi sağalması üçün tək ümiddir. Türkiyədə keçirilməli olan bu əməliyyat üçün vəsait lazımdı, amma onun ailəsinin buna maddi imkanı bəs eləmir. Sabah minlərlə insanın həyatını xilas edəcək gələcəyin həkiminin həyatını bu gün biz xilas edək! Teyfura maddi yardım etmək istəyənlər Tibb Universitetinin 11 mərtəbəli tədris binasının girişindəki ianə qutularına yaxınlaşa bilərlər. Bundan başqa, aşağıda "Beynəlxalq Bank"da Teyfur Xasməmmədovun adına olan bank hesabının da nömrəsi göstərilib.