Oktyabrın 16-da Bakı və Abşeron yarımadasında arabir yağış yağacağı gözlənilir. Mülayim şimal-qərb küləyi gündüz güclənəcək.
Ekologiya və Təbii Sərvətlər Nazirliyinin Milli Hidrometeorologiya Departamentindən Lent.az-a verilən məlumata görə, havanın temperaturu gecə 12-14 dərəcə, günün birinci yarısı 15-17 dərəcə, axşama doğru 12 dərəcəyədək isti olacaq.
Sabah Azərbaycanın rayonlarında arabir yağış yağacağı gözlənilir, bəzi dağlıq ərazilərdə sulu qar və qara keçəcəyi ehtimalı var. Mülayim qərb küləyi ayrı-ayrı yerlərdə arabir güclənəcək.
Havanın temperaturu Aran rayonlarında gecə 9-14, gündüz 14-18 dərəcə, dağlıq rayonlarda gecə 2-6, gündüz 7-12 dərəcə isti olacaq.
Oktyabrın 16-17-də Abşeron yarımadasında qeyri-sabit hava şəraiti bəzi meteohəssas insanlarda narahatlıq hissi yarada bilər.
ETSN-nin xəbərdarlığına əsasən, oktyabrın 18-i gündüzədək ölkə ərazisində hava şəraitinin qeyri sabit keçəcəyi, arabir yağış yağacağı gözlənilir. Yağıntıların bəzi yerlədə intensivləşəcəyi, dağlıq rayonlarda sulu qar və qara keçəcəyi ehtimalı var. Qərb küləyi ayrı-ayrı yerlərdə arabir güclənəcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
