Zaqatala xəstəxanasının direktoru işdən çıxarıldı - TƏBİB-dən YENİ TƏYİNAT - YENİLƏNİB

Tibbi Ərazi Bölmələrini İdarəetmə Birliyi (TƏBİB) Zaqatala Rayon Mərkəzi Xəstəxanasına yeni direktor təyinatı ilə bağlı məlumat yayıb.

Lent.az-a daxil olan məlumatda bildirilir ki, TƏBİB İdarə Heyəti sədrinin vəzifəsini icra edən Vüqar Qurbanovun əmri ilə Zaqatala Rayon Mərkəzi Xəstəxanasına direktor təyin edilib. Xəstəxananın direktoru vəzifəsi Tamara Nurəliyevaya həvalə olunub.

Tamara Nurəliyeva 1981-ci ildə Bakı şəhərində anadan olub.

1999-2005-ci illərdə Azərbaycan Tibb Universitetində təhsil alıb. 2005-2006-cı illərdə Ə.D.Məlikov adına 6 saylı Birləşmiş Şəhər Xəstəxanasında internatura təhsili alıb.

2008-2009-cu illərdə “A-Qroup Sığorta şirkəti” QSC-də Müştərilərə xidmət departamentinin mütəxəssisi vəzifəsində çalışıb. 2017-ci ildə Zaqatala Rayon Mərkəzi Xəstəxanasının Muğanlı kənd həkim məntəqəsinin müdiri, 2017-2020-ci illərdə Zaqatala Rayon Mərkəzi Xəstəxanasının Suvagil kənd xəstəxanasının baş həkimi olub.

2020-ci ildən ilə Zaqatala Rayon Mərkəzi Xəstəxanasının Keyfiyyətə nəzarətin idarəedilməsi komitəsinin rəhbəri vəzifəsində çalışıb.

2022-ci ildən isə Zaqatala Rayon Mərkəzi Xəstəxanasının direktorunun terapevtik xidmətlər üzrə müavini vəzifəsinə təyin olunub.

***

saat 00:00

Azərbaycanın iki rayonuna yeni baş həkim təyin olunub.

Lent.az-ın əldə etdiyi məlumata görə, bununla bağlı TƏBİB sədri Vüqar Qurbanov müvafiq əmr imzalayıb.

Əmrə əsasən, Məcid Əliyev Zaqatala Rayon Mərkəzi Xəstəxanasının (RMX) direktoru vəzifəsindən azad edilib.

TƏBİB sədrinin digər əmri ilə o, Şəki RMX-nın direktoru təyin edilib.

Zaqatala RMX-nın direktoru postuna isə Tamara Nurəliyeva təyinat alıb.

Tamara Nurəliyeva buna qədər Zaqatala MRX-nın drektor müavini vəzifəsində çalışıb.

Tamara Nurəliyeva