“Qualcomm Snapdragon 8 Elite Gen 5” flaqman mobil prosessoru AnTuTu v11 testində 4,4 milyon bal ilə rekord nəticə göstərib ki, bu da rəqiblərin göstəricilərini xeyli üstələyir.
Lent.az xəbər verir ki, əgər məlumat təsdiqlənsə, yeni çipset bazarda ən güclü olacaq. Bundan əvvəl Vivo rəqib çip MediaTek Dimensity 9500-ün nəticəsini açıqlayıb – bu çip Vivo X300 Pro smartfonunun sınaqlarında təxminən 4 milyon bal toplayıb.
Məlumata görə, “Snapdragon 8 Elite Gen 5” iki 4,61 GHz tezlikli hesablama nüvəsi və altı 3,63 GHz tezlikli məhsuldar nüvə ilə təchiz olunub. Qrafikanın emalına 1,2 GHz tezlikli Adreno 840 GPU cavabdehdir. Bu kombinasiya oyunlarda və süni intellektlə bağlı tapşırıqlarda nəzərəçarpan məhsuldarlıq artımı təmin etməlidir.
MediaTek Dimensity 9500 isə dörd Cortex-X930 və dörd Cortex-A730 olmaqla səkkiz yüksək performanslı nüvədən istifadə edir. Həmçinin ARM ilə birlikdə yaradılmış yeni SME2 təlimat dəstini dəstəkləyir.
Gözlənilir ki, yeni çiplərlə ilk cihazlar “Snapdragon 8 Elite Gen 5”lə təchiz edilmiş “Xiaomi 16” və “Dimensity 9500”lə təchiz edilmiş Vivo X300 olacaq. Onların təqdimatının sentyabrın sonunda baş tutacağı gözlənilir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
