20 il əvvəlki sunami belə başlayıb - VİDEOSU yayıldı
18 iyun 2024 14:10 (UTC +04:00)

20 il əvvəlki sunami belə başlayıb - VİDEOSU yayıldı

Taylandın Koh Nqay adasında tətilini lentə alan bir qrup turist qəfil Hind okeanında dalğaların artmağa başladığını görüb.

Lent.az xarici mediaya istinadla bildirir ki, məlum olub ki, bunlar bəşər tarixindəki ən dağıdıcı sunamilərdən birinin ilk əlamətləri imiş.

26 dekabr 2004-cü ildə səyahətçilər gözlənilən fəlakətdən - səhər saat 7:59-da baş verən 9,1 bal gücündə zəlzələnin yaratdığı sunamidən xəbərsiz olaraq kurortda bir gözəl günə başlayıblar.

Britaniyalı operator Julian Hadden tərəfindən yayımlanan videoda istirahət edənlərin “cənnətdə” qaldıqları barədə sevinclə danışdıqları eşidilir. Lakin onların gözəllikdən həzz almağa vaxtları olmayıb.

Qəfil ilk ölümcül dalğa bir qrup turisti vurub. Səsyazmada kiminsə qayıqdakı insanlara qışqırması eşidilir: “Nəsə səhvdir, oradan çıxın”.

Daha sonra YouTube-da şərhlərdə Hadden videodakı hər kəsin zəlzələnin episentri ilə üzbəüz adanın tərəfində olduqları üçün sağ qaldığını bildirib.

Qeyd edək ki, 2004-cü ildə baş vermiş sunami 220 mindən çox insanın həyatına son qoyub və Cənub-Şərqi Asiyanın bir neçə ölkəsini viran qoyub. Tayland, Şri-Lanka və İndoneziya 100 fut hündürlüyünə çatan dalğalardan ən çox zərər çəkən ölkələr olub.

1 2 3 4 5 İDMAN XƏBƏRLƏRİ
# 2736
avatar

Oxşar yazılar