ABŞ ordusu İrana qarşı yeni müharibədə bütün potensialından istifadə edəcək.
İran rəsmiləri və regiondakı diplomatların fikrincə, qarşıdakı həftələr Tehran üçün çox vacibdir. İran liderləri ümid edirlər ki, noyabrn 3-də ABŞ-da keçiriləcək ara seçkilərdən sonra prezident Donald Tramp enerji qiymətlərinin artmasına daha az həssas olacaq.
Lent.az bildirir ki, bu barədə “The Washington Post” qəzeti məlumat yayıb.
Amerikanın əməliyyatı Fars körfəzinə daxil olan və çıxan gəmiləri müşayiət etmək üçün qırıcı təyyarələrdən, dronlardan və xüsusi təyinatlı qüvvələrdən istifadəni əhatə edir.
Buna görə də, İran hazırda Hörmüz boğazında hücumları artırmaq da daxil olmaqla, Vaşinqtona təzyiqi artırmağa çalışır.
İki İran rəsmisi bildirib ki, hökumət seçkilərə qədər olan dövrü Amerika prezidentinə təsirini artırmaq üçün vacib hesab edir.
Ərəb və Qərb diplomatlarının sözlərinə görə, bəzi İran liderləri, prezident Cimmi Karterin yenidən seçki kampaniyasını çətinləşdirən 1980-ci il İran girov böhranına bənzər şəkildə, seçki zamanı Trampı siyasi cəhətdən cəzalandırmaq istəyirlər. Mənbələr diplomatik əlaqələrin həssaslığı səbəbindən anonimlik şərti ilə danışıblar.
Qərb rəsmisi və vəziyyətlə tanış olan mənbənin sözlərinə görə, Amerika qüvvələri Hörmüz boğazında hər gün genişmiqyaslı əməliyyatlar aparır. Qırıcı təyyarələr, dronlar və xüsusi təyinatlı qüvvələr dar dəniz zolağından keçən gəmiləri müşayiət edir və qoruyur.
Sentyabr ayında İran gəmilərə həftədə orta hesabla 30 hücum edib. Britaniya dəniz ticarətinin monitorinq xidməti olan UKMTO-nun məlumatına görə, oktyabrın əvvəlindən bəri 20-dən çox gəmiyə zərbə endirilib, onlardan biri batıb.
***
Donald Tramp da İranla hərbi əməliyyatların sonunun necə olacağını açıqlayıb.
ABŞ prezidenti Donald Tramp gərginlik fonunda istənilən an yenidən başlaya biləcək İrana qarşı müharibənin tez bir zamanda bitməsi ehtimalını şərh edib.
"Sabah bu müharibəni qazana bilərik. Açığı, bu gün də gedə bilərik. Dünya gördüyümüz işlərə görə çox minnətdardır. Çox tezliklə neft qiymətlərinin kəskin şəkildə aşağı düşəcəyini görəcəksiniz", - Tramp deyib.
Daha əvvəl xəbər verildiyi kimi, ABŞ prezidenti Donald Tramp oktyabrın 27-də keçiriləcək Knesset seçkilərindən əvvəl Benyamin Netanyahuya dəstəyini ifadə edib və eyni zamanda İranı əlavə tədbirlərlə hədələyib.
O, İsrail baş nazirini görkəmli hərbi lider və sülhə nail olmaqda tərəfdaş adlandıraraq, Tehranın ciddi hərbi və maliyyə ziyanına məruz qaldığını bildirib. Tramp əlavə edib ki, İran tərəfindən dəyişiklik olmasa, Vaşinqton tezliklə başladığı işi başa çatdıra bilər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
