Uels Şahzadəsi İran mədəniyyət mərkəzinə qarşı

Lent.az-ın «Tudorwood»-a istinadən məlumatına görə, həftənin sonunda Uelsin şahzadəsi Çarlz Londonda İran səfirliyi və islam mədəniyyət mərkəzi üçün yeni binanın tikilməsi məsələsinə müdaxilə edib.

Bu binanın Londonun ən bahalı yerində, qədim kilsənin yanında tikilməsi planlaşdırılıb.

Binanın yeni müasir dizaynla inşası yerli varlı sakinlərin və tarixi irs mütəxəssislərinin etirazına səbəb olub. İranın yeni daşınmaz əmlakının səfirliyin köhnə binasından bir neçə kilometr aralı tikilməsi planlaşdırılıb.

Səfirliyin yeni binasının tikintisi İslam Respublikasına on milyonlarla funta başa gələcəyi ehtimal edilir.

Hazırda binanın tikintisinə qarşı çıxanlar şahzadə Çarlzı öz nüfuzundan istifadə edərək, bu tikintinin dayandırılmasına yardım etməyə çağırırlar. Binanın inşasının dayandırılması üçün Uels şahzadəsi artıq bir neçə dəfə təsir etməyə çalışıb.

Sədrəddin Soltan