Obama tualet kağızında - FOTO

Senat və Nümayəndələr Palatasına seçkilərə start verilməsi ilə əlaqədar Respublikaçılar Partiyasının oktyabrın 18-də Nevada şəhərində keçirdikləri aksiya orijinallığı ilə yadda qalıb. Lent.az-ın “Getty İmages” agentliyinə istinadən verdiyi məlumata görə, mitinq iştirakçıları qarşısında ötən prezidenti seçkilərində respublikaçıların vitse-prezident postuna namizədi olan Sara Pelin çıxış edib.

Ancaq məsələ Sara Pelinin çıxışı ilə bağlı deyil. Aksiya iştirakçılarına üzərində müxtəlif amerikalı siyasətçi və maliyyəçilərin əksi olan tualet kağızı təklif edilib. Burada ABŞ prezidenti Barak Obama, vitse-prezident Co Bayden, sabiq respublikaçı prezident Corc Buş və onun dövründə vitse-prezident olan Dik Çeyni, respublikaçıların ötən seçkilərdə prezidentliyə namizədi, senator Con Makkeyn, Nümayəndələr Palatasının demokrat spikeri Nensi Pelosi, ABŞ Federal Ehtiyat Fondunun sədri Bena Bernanke və digərlərini görmək olar.