Yaponiya xarici işlər naziri Çini şoka salıb

Lent.az-ın “Rosbalt” agentliyinə istinadən verdiyi məlumata görə, bunu Çin Xarici İşlər Nazirliyinin rəsmi nümayəndəsi Ma Çjaosyuy söyləyib.

Qeyd edək ki, sentyabr ayında Yaponiyanın hərbi-patrul gəmisi Şərqi-Çin dənizində iki ölkə arasında mübahisə obyekti olan Dyayuydao (Senkaku) adası yaxınlığında Çin balıqçı gəmisini saxlayıb. Gəminin kapitanı bir müddət Yaponiyada saxlanıldıqdan sonra azadlığa buraxılıb. Pekin Tokionun bu addımına sərt etirazını bildirib, ölkələr arasında əlaqə dayandırılıb. Bu bazar günü də hər iki ölkədə eyni vaxtda kütləvi aksiyalar keçirilib, aksiyalarda ölkənin suverenliyinin qorunması və Dyayuydao (Senkaku) adalarının qorunması şüarları səsləndirilib.

Yaponiya xarici işlər naziri Seydzi Maexara isə son açıqlamasında bildirib ki, Çin sentyabrda baş verən hadisə zamanı isterik hərəkətə yol verib. Bu açıqlamanı yersiz sayan Çin Xarici İşlər Nazirliyinin rəsmi nümayəndəsi Yaponiyanı Çinlə münasibətləri düzəltmək üçün konkret tədbirlər görməyə çağırıb.