Qadınlar alt paltarı geyinməlidir!

Lent.az-ın “Express” qəzetinə istinadən verdiyi məlumata görə, məhkəmə Köln aeroportunda fəaliyyət göstərən təhlükəsizlik şirkətinin işçilərinin müraciətindən sonra belə bir qərar çıxarıb.

Məsələ ondadır ki, aeroportdakı təhlükəsizlik şirkətinin rəhbərliyi işçilərə alt paltarları geyinmələri, dırnaqlarının və saçlarının boyanması ilə bağlı təlimat verib. İşçilər isə buna qarşı çıxaraq məhkəməyə üz tutublar.

Karlsruhe şəhərindəki Federal Apelyasiya Məhkəməsi isə iş paltarlarının sürətlə köhnəldiyini əsas götürərək, sahibkarın qadın işçilərin alt paltarları geyinməsi və bu alt paltarların diqqət çəkməməsi üçün ağ rəngdə olmasını istəyə biləcəklərinə dair qərar verib. Məhkəmə insan hüquqlarının məhdudlaşdırılacağı baxımından qadınların dırnaqlarının, kişilərin isə saçlarının boyanması, yaxud parik taxmaları ilə bağlı məsələyə sahibkarların qarışa bilməyəcəklərinə hökm verib.

Almaniya mətbuatı məhkəmənin bu qərarının ölkənin iş dünyasında geniş miqyaslı dəyişikliklərə səbəb ola biləcəyini yazıb.