Netenyahu: “Qüds İsrail və Fələstin arasında bölünməyəcək”

İsrailin baş naziri Binyamin Netenyahu Qüdsün İsrail və Fələstin dövlətləri arasında bölünməyəcəyini elan edib. Lent.az-ın CNN-ə istinadən verdiyi məlumata görə, Binyamin Netenyahu bunu ABŞ Konqresində çıxışı zamanı deyib.

O deyib ki, Qüds İsrailin bölünməz paytaxtı olaraq qalmalıdır. Binyamin Netenyahu növbəti dəfə 1967-ci il sərhədləri çərçivəsində Fələstin dövlətinin yaradılmasına qarşı olduğunu da bəyan edib. Bununla belə, o, müəyyən güzəştlərə hazır olduqlarını da dilə gətirib: “Fələstinlilərlə sülhə nail olmaq naminə mən müəyyən ağrılı kompromislərə də getməyə hazıram”.

Ərəb və Türkiyə mətbuatı isə Binyamin Netenyahunun son çıxışını savaş elanı kimi dəyərləndirib.