Kadırovun 5 qohumu mücahidlərin tərəfinə keçib

Çeçenistan prezidenti Ramzan Kadırovun qohumlarından 5 nəfər mücahidlərin yanına qaçıb. Lent.az-ın çeçen müqavimət hərəkatına bağlılığı ilə tanınan “Shamilonline” saytına istinadən verdiyi məlumata görə, Hosy-Yurt kəndində yaşayan Kadırovun qohumlarından ən azı 5 nəfər mücahidlərin tərəfinə keçib. Onlardan 4 nəfərin adı açıqlanıb: Salambek Kadırov, Tamerxan Kadırov, Sultan Hizırov və soyadı təyin olunmayan Alimbek adlı bir nəfər.

Federal qoşunlara qarşı döyüşən çeçen silahlılarının tərəfinə keçənlərdən 3 nəfərin Kadırovun yerli asayişi təmin etmək üçün qurduğu təhlükəsizlik qüvvələrinin üzvü olduğu söylənilir. Digər 2 nəfər isə mülki şəxsdir. Onların mücahid dəstələrinə qoşulmasını yerli mediaya açıqlamasında ailələri də təsdiqləyib.

Rəşad