ABŞ-nin İndiana ştatında güclü qardan sonra təxminən 45 avtomobil qəzaya uğrayıb.
Lent.az NBC telekanalına istinadən xəbər verir ki, bu barədə ştat polisi məlumat yayıb.
Onun sözlərinə görə, qəzada heç kim ciddi xəsarət almayıb. İlkin polis hesablamalarına görə, 20-30 avtomobilə ziyan dəyib, lakin sonra bu rəqəm 45-ə çatıb.
"İnsanlar sadəcə qar yağmağa başlayanda ehtiyatlı olmalı, sürəti azaltmalı, təhlükəsizlik kəmərlərini taxdıqlarına əmin olmalı və yolda diqqətli olmalıdırlar", - polisin nümayəndəsi əlavə edib.