Arktikada “cəngəllik” tapıldı

Alyaskanın şimalında, Arktika tundrasında gözlənilməz dərəcədə sıx bitki örtüyü müşahidə olunub.

Lent.az xəbər verir ki, bu barədə Associated Press məlumat yayıb.

Tədqiqatçılar bölgədə bəzi bitkilərin insanın dizinə qədər yüksəldiyini bildirirlər. Adətən soyuq və sərt iqlimi ilə tanınan Arktikada belə sıx bitki örtüyünün yaranması alimlərin diqqətini çəkib.

Mütəxəssislər istiləşən iqlimin Arktikadakı bitkilərin böyüməsinə təsir etdiyini bildirirlər. Bu dəyişikliklər isə yalnız mənzərəni deyil, torpağın temperaturunu, karbon dövranını və heyvanların yaşayış mühitini də dəyişə bilər.