Bu iki ölkə arasında iki gizli tunel AŞKARLANDI

Qırğızıstanda, Özbəkistanla sərhəddə iki gündə iki yeraltı tunel tapılıb.

Lent.az xarici KİV-ə istinadla bildirir ki, bu barədə Respublika Daxili İşlər Nazirliyinin mətbuat xidmətindən məlumat verilib.

Kommunikasiya Qırğızıstanın Cəlal-Abad vilayətində aşkar edilib. Kamuflyajlı tunellər yerli sakinlərin evlərində başlayır və bitir, onlardan ən böyüyünün uzunluğu 350 metr, eni bir metr və hündürlüyü 2,2 metrdir. Tunellər elektrik lampaları vasitəsilə işıqlandırılır.

Daxili İşlər Nazirliyi izah edib ki, tunellərdən qaçaqmalçılar istifadə edir, valyuta və mallar qanunsuz olaraq sərhəddən keçirilir.

2022-ci ilin iyununda Qırğızıstanın xüsusi xidmət orqanları Özbəkistanla sərhəd yaxınlığında gizli tunel aşkar ediblər. Obyekt sərhədyanı rayonların sakinləri tərəfindən tikilib, onlar təqsirini etiraf edib və istintaqla əməkdaşlığa razılaşıblar. Eyni zamanda, həmin tunel həm də Qırğızıstan xüsusi xidmət orqanlarının respublikaların sərhədində aşkar etdiyi ilk tunel deyildi. Həmin il may ayının sonunda ruhi xəstə kişinin evində tunel tapılıb. Obyektin uzunluğu 270 metr, hündürlüyü isə təxminən 1,8 metr olub.