Yük təyyarəsi belə qəzaya uğradı - VİDEO - YENİLƏNİB

ABŞ-ın Kentukki ştatının Luisvill şəhərindəki Məhəmməd Əli Beynəlxalq Hava Limanı yaxınlığında UPS təyyarəsinin qəzaya uğraması nəticəsində ən azı yeddi nəfər həlak olub.

Lent.az xəbər verir ki, bu barədə Luisvill qubernatoru Endi Beşir öz “X” hesabında məlumat verib.

"Ölənlərin sayı ən azı yeddi nəfərə çatıb və bu rəqəmin artacağı ehtimal olunur", - o bildirib.

***

05:05

ABŞ-ın Kentukki ştatındakı Luisvill Beynəlxalq Hava Limanı yaxınlığında göyərtəsində üç nəfərin olduğu yük təyyarəsi qəzaya uğrayıb.

Lent.az xəbər verir ki, bu barədə ABŞ Federal Aviasiya Administrasiyası (FAA) məlumat yayıb.

Məlumata görə Luisvill Beynəlxalq Hava Limanından Havay adasındakı Honolulu şəhərinə yola düşən “McDonnell Douglas MD-11” tipli yük təyyarəsi saat 17:15 radələrində havaya qalxdıqdan qısa müddət sonra naməlum səbəbdən qəzaya uğrayıb.

Kentukki qubernatoru təyyarə qəzasında ən azı üç nəfərin öldüyünü, 11 nəfərin isə yaralandığını bildirib.

Hazırda qəza yerində axtarış-xilasetmə işləri davam etdirilir.