Kimyəvi məhluldan daha yaxşı təmizləyir - Pas ləkələrinə son, 1 çimdik yetər

Kranların ətrafında zamanla toplanan pas və duz ləkələri həm estetik baxımdan narahatlıq yarada, həm də təmizliyin səviyyəsini aşağı sala bilər. Lakin bu ləkələrdən qurtulmaq üçün bahalı və kimyəvi təmizləyicilərdən istifadə etməyə ehtiyac yoxdur. Evdə mövcud olan təbii vasitələrlə bu problemi asanlıqla həll etmək mümkündür. Həm təsirli, həm də sağlam üsullarla kranlardakı pas və duz ləkələrini təmizləmək heç də çətin deyil.

Lent.az ev şəraitində tətbiq edə biləcəyiniz praktik və təbii təmizlik üsullarını təqdim edir:

Sirkə və soda ilə güclü təmizlik

Sirkə və soda təbii təmizləyici vasitələr arasında ən təsirli birləşmələrdən biridir. Pas və duz izləri ilə örtülmüş kranlar üçün bu qarışım əla nəticələr verir. Bir qədər sirkə ilə sodanı qarışdıraraq qalın bir məcun hazırlayın. Onu paslı hissələrə çəkin və bir neçə dəqiqə saxlayın. Daha sonra yumşaq süngərlə ovuşdurun. Bu sadə üsulla krandakı pas izləri təmizlənəcək və səth parıldayacaq.

Limon və duzla təmizlik

Limonun turşulu tərkibi və duzun yumşaq aşındırıcı təsiri paslı ləkələrin çıxarılmasında faydalıdır. Paslı sahəyə əvvəlcə duz səpin, sonra üstünə limon suyu tökün və təxminən 30 dəqiqə gözləyin.

Bu müddət ərzində limon pası yumşaldacaq, duz isə onu zərif şəkildə təmizləyəcək. Sonra səthi yumşaq bir bezlə silib su ilə durulamaq kifayətdir. Bu üsulu vaxtaşırı tətbiq etməklə kran səthində yeni pas izlərinin yaranmasının qarşısını almaq olar.

Alüminium folqa ilə incə təmizləmə

Evdə olan alüminium folqadan istifadə edərək kranları zərif şəkildə təmizləmək mümkündür. Folqanı kiçik top formasına salın, üzərinə az miqdarda duz səpin və bir qədər suya batırın. Sonra bu folqa topunu paslı sahələrdə gəzdirərək ləkələri təmizləyin. Bu üsul kimyəvi vasitələrə ehtiyac olmadan səthi zədələmədən effektiv təmizlik imkanı yaradır.

Zeytun yağı ilə parlaqlıq və qoruma

Təmizlik prosesi tamamlandıqdan sonra kranların uzun müddət parlaq qalması üçün zeytun yağı və ya digər bitki mənşəli yağlardan istifadə etmək olar. Yumşaq bir bezlə kranın səthini yüngülcə silin.

Bu, kranın yalnız görünüşünü yaxşılaşdırmır, eyni zamanda səthin üzərində qoruyucu qat yaradaraq yeni ləkələrin yaranmasının qarşısını alır.