Bir toyda iki ölüm xəbəri

Antalyanın (Türkiyə) Kaş qəsəbəsində Kərim-Elif cütlüyünün toyunda iki ölüm hadisəsi baş verib.

Əvvəlcə bəyin atası nərdivandan düşüb. O, xəstəxanaya aparılsa da, həyatını xilas etmək mümkün olmayıb, orada ölüb. Lent.az-ın “habertürk”ə istinadən verdiyi məlumata görə, bu, bəy və gəlinin başına gələn yeganə faciə olmayıb.

Belə ki, Kərim Uçarın əmisi oğlu toy vaxtı kəsilmiş elektrik enerjisini bərpa etmək üçün dirəyə çıxarkən onu cərəyan vurub öldürüb.

Nəticədə gəlin və bəy göz yaşlarına boğulub.

Bir az əvvələ gedib bildirək ki, Aklar kəndinin sabiq muxtarlarından 64 yaşlı Tevfiq Uçar ən kiçik oğlu Kərim Uçara məktəbin bağçasında toy etmək üçün danışıb. Toy vaxtı məktəbin bağçası qonaqlarla dolub, əyləncə, oxumaq oynamaq başlayıb. Toyun şirin yerində kəsilən elektrik enerjisi bir müddət bərpa olunmayıb. Həmin saatlarda bəyin atası nərdivandan düşərkən yıxılıb, xəstəxanaya çatdırılsa da ölüb. Əmisi oğlu isə elektrik enerjisini bərpa etmək istəyərkən həlak olub. Toy yasa dönüb...