Bakıda 25 yaşlı oğlan ürəyindən vurularaq öldürülüb

Nizami rayon Prokurorluğundan Lent.az-a verilən məlumata görə, Keşlə qəsəbəsi Əfqani küçəsi 14-ün qarşısında 1988-ci il təvəllüdlü Ramin Babayev 1986-cı ildə anadan olmuş Nəzərli Taleh Həsənağa oğlunu öldürüb. O, mübahisə zəminində özündən 2 yaş böyük T.Nəzərlinin döş qəfəsinə bıçaqla zərbə endirib.

Ürəyindən yaralanan T.Nəzərli Əfəndiyev adına xəstəxanaya çatdırılsa da onun həyatını xilas etmək mümkün olmayıb.

Faktla bağlı Cinayət Məcəlləsinin 126.3-cü maddəsi ilə iş başlanılıb.

Nizam RZA