Qəhrəmanlar unudulmur – Milli Qəhrəman Şahlar Şükürov

Lent.az da bu təşəbbüsə qoşulur və Milli Qəhrəmanların doğum günlərində onlar haqqında məlumatları dərc edir.

Qəhrəmanlar unudulmur!

Şahlar Əvəz oğlu Şükürov 1952-ci il mayın 17-də Kəlbəcər rayonu Zülfüqarlı kəndində anadan olub. O, milis (polis) mayoru kimi tez-tez döyüş bölgələrində olub, xüsusi əməliyyatların keçirilməsində iştirak edib. 1990-cı il iyulun 11-də hərbi qulluqçuların müşayiəti ilə Tərtər-Kəlbəcər yolunda hərəkət edən maşın karvanı düşmənin qəfil hücumuna məruz qalıb, qeyri-bərabər döyüşdə polis zabiti qəhrəmanlıqla həlak olub.
Bakıda Şəhidlər Xiyabanında dəfn edilib, Qobustan rayonu Sündü kənd orta məktəbi onun adını daşıyır.