Cabbar Savalanlı həbsxanaya köçürüldü

Bu barədə Lent.az-a məlumat verən vəkil Anar Qasımlı bildirib ki, Cabbar Savalanlı ilə həbsxanada görüşüb. Vəkil onun vəziyyətinin yaxşı olduğunu qeyd edib. A. Qasımlı onu da bildirib ki, Cabbar Savalanlının işi ilə bağlı Sumqayıt Apellyasiya Məhkəməsinin qərarından Ali Məhkəməyə kassasiya şikayəti verəcək. Şikayət bazar ertəsi Ali Məhkəməyə təqdim olunacaq.

Qeyd edək ki, C. Savalanlı narkotik saxlanmasında və istifadəsində təqsirli bilinib. O, mayın 4-də Sumqayıt şəhər Məhkəməsinin hökmü ilə 2 il yarım müddətinə azadlıqdan məhrum edilib.

Anar GƏRAYLI