Özbəkistanın Xarəzm vilayətinin Bağat rayonunda ana və onun üç azyaşlı övladı həyatını itirib.
Lent.az xəbər verir ki, bu barədə Özbəkistan Baş Prokurorluğu məlumat yayıb.
İlkin ehtimallara görə, hadisəyə səbəb ad günü mərasimindən qalan qidaların yeyilməsi olub.
Hadisə ilə bağlı Özbəkistan Cinayət Məcəlləsinin 276-11-ci maddəsi ilə cinayət işi başlanıb.
Həmin maddə təhlükəsizlik tələblərinə cavab verməyən malların xüsusilə külli miqdarda istehsalı, saxlanılması, satış məqsədilə daşınması və ya satılması, eləcə də təhlükəsizlik normalarına uyğun olmayan işlərin görülməsi və xidmətlərin göstərilməsinə görə məsuliyyət nəzərdə tutur.
Araşdırmaya vilayət Fövqəladə Hallar İdarəsinin, Sanitariya-Epidemioloji Salamatlıq və İctimai Sağlamlıq Xidmətinin, həmçinin Səhiyyə İdarəsinin mütəxəssisləri cəlb olunublar.
Hazırda faciənin dəqiq səbəbləri və başvermə şəraiti araşdırılır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
