Fransada ilk dəfə insanda Şamonda (Shamonda) virusuna yoluxma halının aşkarlandığı bildirilir. Virusa yoluxduğu müəyyən edilən xəstə xəstəxanada həyatını itirib.
Lent.az xəbər verir ki, bu barədə məlumatı Fransada səlahiyyətli şəxslər açıqlayıb.
Məlumata görə, ağır immun çatışmazlığı olan və ciddi xəstəlik səbəbindən Lion şəhərindəki xəstəxanada müalicə alan şəxs oktyabrın əvvəlində vəfat edib. Aparılan müayinələr zamanı onun orqanizmində Şamonda virusu aşkarlanıb.
Hazırda xəstənin ölümü ilə virus arasında əlaqənin müəyyənləşdirilməsi üçün klinik, bioloji və epidemioloji araşdırmalar davam etdirilir.
Şamonda virusu ilk dəfə 1960-cı illərin ortalarında Nigeriyada aşkarlanıb. 2026-cı ilə qədər virus əsasən Afrikanın bəzi bölgələrində və Yaponiyada qeydə alınıb.
2026-cı ilin yayında isə virusun yeni variantı Mərkəzi Avropada, o cümlədən İsveçrədə ortaya çıxıb. Daha sonra Almaniya, Fransa, Belçika və İtaliya da daxil olmaqla bir sıra Avropa ölkələrində aşkarlanıb.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
