Abituriyentlər ödəmə kartlarını rahatlıqla əldə edə biləcəklər

Tələbə Qəbulu üzrə Dövlət Komitəsi virtual ödəmə kartlarının satışı şəbəkəsini genişləndirir.

TQDK-nın mətbuat xidmətindən Lent.az-a verilən məlumata görə, bu məqsədlə TQDK-nın “AzeriCard Prosessinq” mərkəzi ilə birgə elektron ticarət layihəsi üzərində işi başa çatıb.

Artıq virtual ödəmə kartlarını “Visa” və “Master” plastik kartlarından istifadə etməklə “Azericard” vasitəsilə də əldə etmək mümkün olacaq.

Xatırladırıq ki, TQDK-nın virtual ödəmə kartları “Azercell”, “Bakcell”, “Nar Mobile”, “GoldenPay”, “NetMoney” və “Azericard” şirkətləri vasitəsilə satılır.