Bakıda avtomobil yandı: yaralılar var

Bu gün Bakı şəhərinin Xəzər rayonu ərazisində 2 nəfərin xəsarət alması ilə nəticələnən yol qəzası baş verib. Rayon Polis İdarəsindən Lent.az-a verilən məlumata görə, Heydər Əliyev prospektinin Binə qəsəbəsindən keçən hissəsində “VAZ 2107” və “Niva” markalı iki avtomobil toqquşub. “VAZ 2107” daha sonra metal maneəyə çırpılıb və yanmağa başlayıb.

Qəza nəticəsində iki nəfər müxtəlif dərəcəli bədən xəsarətləri alıb və 3 saylı şəhər xəstəxanasına yerləşdirilib. Hadisə yerinə gəlmiş yanğınsöndürənlər yanğının qarşısını alıb.

Aznews.az saytının məlumatına görə, isə qəza nəqliyyat müfəttişlərinin vətəndaşa məxsus “VAZ 2107” markalı bir maşını təqib etməsindən sonra baş verib. Məumata görə, nəqliyyat işçiləri Heydər Əliyev prospektində qovduqları maşını Binə qəsəbəsinin yaxınlığında arxadan vurublar. Şahidlərin sözlərinə görə, çox güman ki, nəqliyyat müfəttişləri idarəetməni itirdiklərindən maşına çırpılıblar.

Nizam