Bakının iki mərkəzi küçəsində hərəkət məhdudlaşdırılacaq

Bakının iki mərkəzi küçəsində nəqliyyatın hərəkəti məhdudlaşdırılacaq. Nəqliyyatı İntellektual İdarəetmə Mərkəzindən Lent.az-a verilən məlumata görə, “Azəryolservis” ASC yol cizgiləri xətlərinin, piyada keçidlərinin və yol göstərici xətlərin yenidən rənglənməsi məqsədilə bu gün saat 22:00-dan etibarən Məmməd Araz (köhnə adı - Teymur Əliyev) və Yusif Vəzir Çəmənzəminli küçələrində nəqliyyat vasitələrinin hərəkəti qismən məhdudlaşdırılacağı ilə bağlı xəbərdarlıq edib.

Sürücülərə alternativ yollardan istifadə etmələri məsləhət görülür.